दिनांक २८ सप्टेंबर २०२६ रोजी आयुर्वेद व्यासपीठ पुणे -पिंपरी चिंचवड, यांच्या समन्वयाने माधव सदाशिव गोळवलकर गुरुजी विद्यालय , टिळक रोड,पुणे,येथे इयत्ता ५ वी ते ७ वीच्या विद्यार्थिनींसाठी ‘कळी उमलताना’ व विद्यार्थ्यांसाठी “वयात येताना “ या दोन स्वतंत्र व्याख्यानाचे आयोजन करण्यात आले होते.सदर उपक्रमामध्ये वैद्य उल्का फडके यांनी मुलींना व वैद्य धनंजय इंचेकर आणि वैद्य शशांक करंबेळकर यांनी मुलांना मार्गदर्शन केले.

कार्यक्रमास ६ वी व ७ वी चे विद्यार्थिनी व विद्यार्थी उपस्थित होते. कार्यक्रमाची सुरुवात भगवान धन्वंतरी स्तवनाने करण्यात आली. सदर उपक्रमांतर्गत किशोरावस्थेतील शारीरिक व मानसिक बदल, मुलींना मासिक पाळीच्या कालावधीतील स्वच्छता व आरोग्यविषयक काळजी, संतुलित आहार, वैयक्तिक स्वच्छता तसेच आरोग्यदायी जीवनशैली याबाबत आवश्यक मार्गदर्शन करण्यात आले. विद्यार्थिनीं आणि विद्यार्थी यांनी सक्रिय सहभाग नोंदवून विविध प्रश्न उपस्थित केले व त्यांच्या शंकांचे निरसन करण्यात आले.

उपक्रमास विद्यालयातील शिक्षकवर्गाकडून सकारात्मक प्रतिसाद प्राप्त झाला. विद्यार्थ्यांमध्ये किशोरावस्थेशी संबंधित आरोग्यविषयक योग्य माहिती व जागरूकता निर्माण करण्याच्या दृष्टीने सदर उपक्रम उपयुक्त ठरला.मुलांचा प्रतिसाद पाहून पुढील सत्रामध्ये पुन्हा एकदा व्याख्यान ठेवण्याबाबत शाळेकडून विनंती करण्यात आली व या स्तुत्य उपक्रमा बद्दल आयुर्वेद व्यासपीठाचे आभार मानण्यात आले.